ସରକାର ଫେରା

ଭୁବନେଶ୍ୱର: ଓଡ଼ିଶା ବିଧାୟକଙ୍କ ପାଇଁ ନିରାଶାଜନକ ଖବର। ବଢ଼ିବନି ବିଧାୟକଙ୍କ ଦରମା। ବିଧାନସଭାରେ ବିଧାୟକଙ୍କ ଦରମା ବୃଦ୍ଧି ବିଲ୍  ପ୍ରତ୍ୟାହାର ନେଇ ପ୍ରକ୍ରିୟା ଆରମ୍ଭ ହୋଇଛି।  ଏନେଇ ଗୁରୁବାର  ବିଧାନସଭା ସଚିବଙ୍କ ପକ୍ଷରୁ ଗୃହର ସବୁ ସଦସ୍ୟଙ୍କୁ ଚିଠି କରାଯାଇଛି।

ସଂସଦୀୟ ମନ୍ତ୍ରୀ ମୁକେଶ ମହାଲିଙ୍ଗଙ୍କ ଠାରୁ ଏନେଇ ନୋଟିସ୍ ଆସିଥିବା ଜଣାଇଲେ ବିଧାନସଭା ସଚିବ ସୂଚନା ଦେଇଛନ୍ତି । ଏ ସମ୍ପର୍କିତ ବିଲ୍  ପ୍ରତ୍ୟାହାର ପାଇଁ ସଂସଦୀୟ ମନ୍ତ୍ରୀ ଚାହିଁଥିବା ସେ ଅବଗତ କରିଛନ୍ତି।
ଏଠାରେ ସୂଚନା ଯୋଗ୍ୟ ଯେ ଗତ ଶୀତ ଅଧିବେଶନରେ ସର୍ବ ସମ୍ମତି କ୍ରମେ ଓଡିଶା ବିଧାନସଭା ସଦସ୍ୟମାନଙ୍କ ଦରମା, ଭତ୍ତା ଓ ପେନସନ ସଂଶୋଧନ ବିଧେୟକ ୨୦୨୫ ପାରିତ ହୋଇଥିଲା। ଶାସକ ଦଳ ସହ ବିରୋଧୀ ବିଜେଡି ଏବଂ କଂଗ୍ରେସ ବିଧାୟକମାନେ ବି ସମର୍ଥନ କରିଥିଲେ। ଦରମା ବୃଦ୍ଧିକୁ ନେଇ ବିଧାୟକମାନେ ଖୁସିଥିଲେ। 
ସଂଶୋଧିତ ବିଲ୍ ଅନୁଯାୟୀ  ଦରମା ଓ ଅନ୍ୟାନ୍ୟ ସୁବିଧାକୁ ମିଶାଇ ଜଣେ ବିଧାୟକ ପ୍ରାୟ ୩ ଲକ୍ଷ ୪୫ ହଜାର  ଟଙ୍କା ମାସିକ ଦରମା ପାଇଥାନ୍ତେ। ମୁଖ୍ୟମନ୍ତ୍ରୀଙ୍କ ଦରମା ୩.୭୪ ଲକ୍ଷ୍ୟ , ବାଚସ୍ପତି ଏବଂ ଉପମୁଖ୍ୟମନ୍ତ୍ରୀ ୩.୬୭ ଲକ୍ଷ , ଉପବାଚସ୍ପତି ଓ ମନ୍ତ୍ରୀମାନଙ୍କୁ ୩.୫୬ ଲକ୍ଷ୍ୟ ଏବଂ ବିରୋଧୀ ଦଳ ନେତାଙ୍କୁ ମାସିକ ୩ ଲକ୍ଷ ୬୨ ହଜାର ଟଙ୍କା ମିଳିଥାନ୍ତା। ସେହିପରି ଜଣେ ପୂର୍ବତନ ବିଧାୟକ ୧.୧୭ ଲକ୍ଷ୍ୟ ଟଙ୍କା ପେନସନ ପାଇଥାନ୍ତେ।ସେଥିରେ ମେଡିକାଲ ପାଇଁ ୨୫ ହଜାର ଓ ପେନସନ ପାଇଁ ୮୦ ହଜାର ଟଙ୍କା ମିଳିଥାନ୍ତା। ଏଥିସହିତ ପ୍ରତେକ୍ ଟିମ୍ ପାଇଁ ଅତିରିକ୍ତ ପେନସନ ରେ ୩ ହଜାର ଟଙ୍କା ଯୋଗ ହୋଇଥାନ୍ତା। 

ସରକାରଙ୍କ ଏହି ନିଷ୍ପତ୍ତି ପରେ ବିଭିନ୍ନ ବର୍ଗର ଲୋକେ ଓ ସଂଗଠନ  ଏହାକୁ ନେଇ ତୀବ୍ର ଅସନ୍ତୋଷ ପ୍ରକାଶ କରିଥିଲେ । ଜେନା ଆକ୍ରୋଶ କୁ ଦୃଷ୍ଟିରେ ରଖି ସରକାର ବାଧ୍ୟ ହୋଇ ଉକ୍ତ ବିଲକୁ ଫେରାଇ ନେବାକୁ ନିଷ୍ପତ୍ତି ନେଇଛନ୍ତି

ଭୁବନେଶ୍ୱର: ରାଜ୍ୟ ସରକାର ୩ ବର୍ଷିଆ   ନୂଆ ଅବକାରୀ ନୀତି ୨୦୨୬-୨୯ ଅନୁମୋଦନ ଦେଇଛନ୍ତି । ଏ ନେଇ ଅବକାରୀ ବିଭାଗ ପକ୍ଷରୁ ବିଧିବଦ୍ଧ ବିଜ୍ଞପ୍ତି ପ୍ରକାଶ କରାଯାଇଛି। 

 ରାଜ୍ୟରେ ଆସନ୍ତା ୩ ବର୍ଷ ପାଇଁ  ନୂତନ ଠିପି ଖୋଲା ଓ ଠିପି ବନ୍ଦ ମଦ ଦୋକାନ ଖୋଲିବାକୁ ମିଳିବ ନାହିଁ। ଗ୍ରାମାଞ୍ଚଳରେ ନୂଆ ମଦ ଦୋକାନ ଖୋଲିବାକୁ ବି ମିଳିବନି ଅନୁମତି। ଶ୍ରୀମନ୍ଦିର ଓ ବଡ଼ଦାଣ୍ଡ ପାଖରେ ଖୋଲିବନି ମଦ ଦୋକାନ। ସି ସି ଟିଭି ନିରୀକ୍ଷଣରେ ରହିବ ସମସ୍ତ ଉତ୍ପାଦନ ୟୁନିଟ୍ ଓ ଖୁଚୁରା ଦୋକାନ। ନୂଆ ଅବକାରୀ ଲାଇସେନ୍ସ ପାଇଁ ୧୦ ପ୍ରତିଶତ  ଆବେଦନ ଶୁଳ୍କ ବୃଦ୍ଧି କରାଯାଇଛି । ଏଣିକି ହୋମ୍ ଡେଲିଭରିରେ ମିଳିବନି ମଦ। 

ନୂଆ ଅବ୍ଅଅକ୍ବଆରି ନୀତି ସମ୍ପର୍କରେ ବିଧାନ ସଭାରେ ଗଣ ମାଧ୍ୟମକୁ ସୂଚନା ଦେଇ ଅବକାରୀ  ମନ୍ତ୍ରୀ ପୃଥ୍ଵୀରାଜ ହରିଚନ୍ଦନ  କହିଛନ୍ତି ଯେ, ଲାଇସେନ୍ସ ଶୁଳ୍କ ବାର୍ଷିକ ୧୦ ରୁ ୨୦ ପ୍ରତିଶତ ବୃଦ୍ଧି ପାଇବ।   IMFL ଓ ଦେଶୀ ମଦ ଉପରେ ଅବକାରୀ ଶୁଳ୍କ ବୃଦ୍ଧି ହୋଇଛି। ନୂଆ ଅବକାରୀ ନୀତିରେ ମଦକୁ କ୍ଷତିକାରକ ପଦାର୍ଥ ଭାବେ ସ୍ୱୀକାର କରାଯାଇଛି।

ରାଜ୍ୟ ସରକାର ୧ ଏପ୍ରିଲ ୨୦୨୬ ଠାରୁ ୩୧ ମାର୍ଚ୍ଚ ୨୦୨୯ ଅବଧି ନିମନ୍ତେ ଏକ ତ୍ରୈବାର୍ଷିକ ଅବକାରୀ ନୀତି ଘୋଷଣା କରିଛନ୍ତି। ନୂତନ ନୀତି ଆସିବା ପର୍ଯ୍ୟନ୍ତ ଏହି ନୀତି କାର୍ଯ୍ୟକାରୀ ହେବ । ପୂର୍ବ ପ୍ରଚଳିତ ବାର୍ଷିକ ନୀତି ପରିବର୍ତ୍ତେ ତ୍ରୈବାର୍ଷିକ ଅବକାରୀ ନୀତି ରୂପରେଖ ପ୍ରବର୍ତ୍ତନ ମାଧ୍ୟମରେ ସରକାର ଏହି କ୍ଷେତ୍ରରେ ନୀତିରେ ସ୍ଥିରତା ଓ ସ୍ୱଚ୍ଛତା ଆଣିବାକୁ ଉଦ୍ୟମ କରୁଛନ୍ତି। ଏହାସହିତ ଆବଶ୍ୟକ ହେଲେ ଏହାକୁ ପରିବର୍ତ୍ତନ କରିବାର ପ୍ରକ୍ରିୟା ମଧ୍ୟ ରଖୁଛନ୍ତି। ଏହି ନୀତି ଅଧୀନରେ ଏକ ଗୁରୁତ୍ବପୂର୍ଣ୍ଣ ସିଦ୍ଧାନ୍ତ ହେଉଛି ଅବକାରୀ ଶୁଳ୍କ ଉପରେ ୦.୫% ଡି-ଆଡିକ୍ସନ ସେସ ଲାଗୁ ହେବ  । ଏହା ମାଧ୍ୟମରେ ମଦକୁ ଏକ କ୍ଷତିକାରକ ପଦାର୍ଥ ଭାବେ ସ୍ଵୀକାର କରାଯାଇଛି । ଏହି ସେସ୍‌ରୁ ଆସୁଥିବା ଆୟ ମଡେଲ ଡି-ଆଡିକ୍ସନ କେନ୍ଦ୍ର ସ୍ଥାପନ ଓ ସୁଦୃଢ଼ କରିବାରେ ବ୍ୟୟ କରାଯିବ।

ଏକ ମୁଖ୍ୟ ସଂରଚନାତ୍ମକ ସଂଶୋଧନ ଭାବେ minimum guaranteed quantity (MGQ) ପ୍ରଣାଳୀରୁ minimum guaranteed excise revenue (mger) ପ୍ରଣାଳୀକୁ ଆଣାଯାଇଛି। ଏହା ଦ୍ବାରା ସରକାରୀ ରାଜସ୍ୱ ସୁରକ୍ଷିତ ହେବା ସହିତ ବ୍ୟବସାୟୀମାନଙ୍କୁ କେବଳ ପରିମାଣ ଲକ୍ଷ୍ୟ ପୂରଣ ପାଇଁ ବିକ୍ରି ବଢ଼ାଇବାର ଚାପ ହ୍ରାସ ପାଇବ । ଏହା କୁଚିଆ ବିକ୍ରୟ ପ୍ରଥାକୁ ରୋକିବାରେ ସହାୟକ ହେବ। ଏହି ନୀତି ଅନୁଯାୟୀ ରାଜ୍ୟରେ ନୂତନ off, cl ,କିମ୍ବା os  ଦୋକାନ ଖୋଲିବା ନିମନ୍ତେ ଅନୁମତି ଦିଆଯିବ ନାହଁ । ଗ୍ରାମୀଣ ଅଞ୍ଚଳରେ ମଧ୍ୟ ନୂତନ ଥିଲି ଖୋଲା  ଦୋକାନ ଖୋଲିବା ନିମନ୍ତେ ଅନୁମତି ଦିଆଯିବ ନାହିଁ। କେବଳ ଶିଳ୍ପାଞ୍ଚଳର ୩-ତାରକା ଓ ତାହା ଠାରୁ ଉପର ହୋଟେଲ୍ ଓ କ୍ଲବ୍‌ରେ ଛାଡ଼ ରହିବ। ଧାର୍ମିକ ଓ ସାଂସ୍କୃତିକ ଭାବନାକୁ ସମ୍ମାନ ଦେଇ ପୁରୀର ଶ୍ରୀଜଗନ୍ନାଥ ମନ୍ଦିର ଓ ବଡ଼ଦାଣ୍ଡ ପାଖରେ କୌଣସି ଅବକାରୀ ଦୋକାନ ଚାଲୁ ହେବ ନାହିଁ । ଏହା ସହିତ ଘରକୁ ମଦ ପହ‌ଞ୍ଚାଇବାକୁ ମଧ୍ୟ ଅନୁମତି ଦିଆଯିବ ନାହିଁ।

Out-still  ଉତ୍ପାଦନ ୟୁନିଟ୍ ଗୁଡ଼ିକୁ ଆଧୁନିକୀକରଣ, ଉନ୍ନ‌ତ ପ୍ୟାକେଜିଂ ଏବଂ ଗୁଣବତ୍ତା ନିୟନ୍ତ୍ରଣ ଯନ୍ତ୍ରପାତି ସ୍ଥାପନ କରିବାକୁ ନିର୍ଦ୍ଦେଶ ଦିଆଯାଇଛି । Fssai ସାର୍ଟିଫିକେସନ୍ ଓ ପ୍ରଦୂଷଣ ନିୟନ୍ତ୍ରଣ ନିୟମ ପାଳନ ଅନିବାର‌୍ୟ୍ୟ କରାଯିବ। ନିର୍ଦ୍ଧାରିତ ସମୟ ସୀମାରେ ଆଧୁନିକୀକରଣ ସମ୍ପୂର୍ଣ୍ଣ କରୁଥିବା ୟୁନିଟ୍ ମାନଙ୍କୁ ପ୍ରୋତ୍ସାହନ ମଧ୍ୟ ଦିଆଯିବ। ସରକାର ଋଘଇ ଗତିବିଧି ନିରୀକ୍ଷଣ ଓ ଉତ୍ପାଦନରୁ ବିକ୍ରୟ ପର‌୍ୟ୍ୟନ୍ତ ପ୍ରତ୍ୟେକ ବୋତଲକୁ ଟ୍ରାକ୍ କରିବା ପାଇଁ track & trace  ପ୍ରଣାଳୀ ପ୍ରବର୍ତ୍ତନ କରିବାକୁ ସ୍ଥିର କରିଛନ୍ତି । ସମସ୍ତ ଉତ୍ପାଦନ ୟୁନିଟ୍ ଓ ଖୁଚୁରା ଦୋକାନ ଗୁଡ଼ିକୁ CCTV ନିରୀକ୍ଷଣ ଅଧୀନରେ ଆଣାଯିବ ଏବଂ ଏହାକୁ ଅବକାରୀ କମିଶନରଙ୍କ କାର୍ଯ୍ୟାଳୟ ଓ ସମ୍ପର୍କିତ ଜିଲ୍ଲା କାର୍ଯ୍ୟାଳୟ ସହ ସଂଯୋଜିତ କରାଯିବ। ଏହା ସହିତ ରାଜ୍ୟର ଅବକାରୀ ରାସାୟନିକ ପରୀକ୍ଷାଗାର ଗୁଡ଼ିକୁ ଆଧୁନିକ ପ୍ରଯୁକ୍ତି ଓ ପ୍ରଶିକ୍ଷିତ ମାନବ ସମ୍ବଳ ମାଧ୍ୟମରେ ସୁଦୃଢ଼ ଓ ଉନ୍ନ‌ତ କରାଯିବ ବୋଲି ମନ୍ତ୍ରୀ କହିଛନ୍ତି। 

ଭୁବନେଶ୍ୱର: ଗତ କିଛି ବର୍ଷ ନିରବତା ପରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ହଠାତ୍ ଏଭଳି ଏକ ବାଣ ମାରିଛନ୍ତି ଯାହାକୁ ନେଇ ରାଜ୍ୟ ରାଜ୍ୟରେ ଚର୍ଚ୍ଚା ଚାଲିଛି । ଦଳ ବିରୋଧୀ ଏବଂ ବିଶ୍ୱାସଘାତ କାର୍ଯ୍ୟ ପାଇଁ ଚମ୍ପୁଆ ବିଧାୟକ ସନାତନ ମହାକୁଡ଼ ଏବଂ ପାଟକୁରାର ନବାଗତ ବିଧାୟକ ଅରବିନ୍ଦ ମହାପାତ୍ରଙ୍କୁ ବିଜେଡିରୁ ନିଲମ୍ବିତ କରି ମାଷ୍ଟର ଷ୍ଟ୍ରୋକ ମାରିଛନ୍ତି।
ବିଶେଷକରି ବରିଷ୍ଠ ରାଜନେତା ବିଜୟ ମହାପାତ୍ରଙ୍କ ପୁତ୍ର ତଥା ପାଟକୁରା ବିଧାୟକ ଅରବିନ୍ଦ ମହାପାତ୍ରଙ୍କୁ ଦଳରୁ ନିଲମ୍ବିତ କରିବା ଘଟଣାକୁ ନେଇ ସବୁ ଆଡ଼େ ଚର୍ଚ୍ଚା ଚାଲିଛି । ବିଜେଡିର ନେତାମାନେ ଲଗାତାର ଭାବରେ ଗଣମାଧ୍ୟମରେ ନିଲମ୍ବିତ ବିଧାୟକ ଏବଂ ବିଜୟ ମହାପାତ୍ରଙ୍କ ବିରୋଧରେ ବୟାନ ଦେଇ ଚାଲିଛନ୍ତି। ସେମାନଙ୍କର ମୁଖ୍ୟ ଟାର୍ଗେଟ ହେଉଛନ୍ତି ବିଜୟ ମହାପାତ୍ର। ଅରବିନ୍ଦ କେବଳ ମୋହରା ବନିଛନ୍ତି ବୋଲି କୁହାଯାଉଛି। ବିଜୟ ବିଜେଡିର ସଦସ୍ୟ ନ ହେଲେ ବି ପୁଅକୁ ଦଳରେ ସାମିଲ କରାଇଥିବାରୁ ପରୋକ୍ଷରେ ସେ ଦଳ ସହ ଜଡ଼ିତ ବୋଲି ଭାବି ନିଆଯାଇଥିଲା। ନୂଆ ଦଳ ଗଠନ ନେଇ ଚର୍ଚ୍ଚା ଜୋର୍ ଧରିବା ଓ ୨୦୨୬ରେ ରାଜନୀତିରେ ଅନେକ ନୂଆ ଘଟଣା ଘଟିବ ବୋଲି ବିଜୟ ପୂର୍ବରୁ ଗଣମାଧ୍ୟମରେ ଅନେକ ଥର ବୟାନ ଦେବା ପରେ ନବୀନଙ୍କ କ୍ୟାମ୍ପରେ ଥିବା ତାଙ୍କର ବିରୋଧୀ ଗୋଷ୍ଠୀ ଅଧିକ ସକ୍ରିୟ ହୋଇ ଉଠିଲେ। ସେମାନଙ୍କୁ ବିଜୟ ଗୋଟିଏ ପରେ ଗୋଟିଏ ସୁଯୋଗ ଦେଲେ, ଯେଉଁଥିରେ ପାରିପର୍ଶ୍ଵିକ ପରିବେଶ ସୃଷ୍ଟି କରାଗଲା ଯେ ବିଜେଡିରେ ଅସନ୍ତୁଷ୍ଠ ନେତାମାନଙ୍କୁ ବିଜୟ ଏକାଠି କରି ନୂଆ ଦଳ ଗଠନ କରିବାକୁ ଉଦ୍ୟମ ଚଳାଇଛନ୍ତି। ଯାହାର ପରିମାଣସ୍ୱରୁପ ତାଙ୍କ ପୁଅ ଉପରେ ନବୀନ ଏତେ ବଡ଼ କାର୍ଯ୍ୟାନୁଷ୍ଠାନ ନେଲେ । ରାଜନୈତିକ ମହଲରେ ଚର୍ଚ୍ଚା ହେଉଛି ଯେ ଅରବିନ୍ଦଙ୍କ ବିରୋଧରେ ନୁହେଁ ବିଜୟଙ୍କ ବିରୋଧରେ ନବୀନଙ୍କ ଏହା ତୃତୀୟ କାର୍ଯ୍ୟାନୁଷ୍ଠାନ। ପୂର୍ବରୁ ପ୍ରଥମେ ନବୀନ ଦଳରୁ ବିଜୟଙ୍କୁ ନିଲମ୍ବିତ କରିଥିଲେ । ଏହା ପରେ ଟିକେଟ୍ କାଟି ଦୂରେଇ ଦେଇଥିଲେ। ଏବେ ପୁଅ ମାଧ୍ୟମରେ ଆଉ ଏକ ପଦକ୍ଷେପ ନେଇ ନବୀନ ପୁଣି ବିଜୟଙ୍କୁ ବିଜେଡିରୁ ଏକ ପ୍ରକାର ଦୂରେଇ ଦେଇଛନ୍ତି।

ଗତ କିଛି ମାସ ହେଲା ରାଜ୍ୟ ରାଜନୀତିରେ ଯେଉଁ ସବୁ ଘଟଣାମାନ ଘଟି ଚାଲିଛି ସେଥିରେ ଉଭୟ ଭାଜପା ଓ ବିଜେଡି ଚିନ୍ତାରେ ଅଛନ୍ତି। ବିଶେଷକରି ବିଜେଡି ଅଧିକ ଭୟଭିତ ଅଛି ବୋଲି କୁହାଯାଉଛି। ଦଳ ସରକାରରୁ ଯିବା ପରେ ଜଣଙ୍କ ପରେ ଜଣେ ନେତା ମୁହଁ ଖୋଲି ସାଧାରଣରେ ସମାଲୋଚନା କରିବା ପ୍ରକ୍ରିୟା ବଢ଼ିଚାଲିଛି। କଂଗ୍ରେସରୁ ମହମ୍ମଦ ମୋକିମ୍ ବିଦା ହେବା ପରେ ସେ ନୂଆଦଳ ଗଠନ ପାଇଁ ଆହ୍ୱାନ ଦେଇଛନ୍ତି। ଇତିମଧ୍ୟରେ ସେ ରାଜ୍ୟର ବିଭିନ୍ନ ଅସନ୍ତୁଷ୍ଠ ନେତାମାନଙ୍କ ସହ ଯୋଗାଯୋଗରେ ଅଛନ୍ତି। ବିଜୟ ମହାପାତ୍ରଙ୍କୁ ତାଙ୍କ ବାସଭବନରେ ଭେଟିବା ଏବଂ ପରବର୍ତ୍ତି ସମୟରେ ବିଜୟ ମହାପାତ୍ର ଝାରସୁଗୁଡ଼ାର ପୂର୍ବତନ ବିଧାୟିକା ତଥା ନବ ଦାସ ଙ୍କ ଝିଅ ଦିପାଳୀ ଦାସ ଓ ତାଙ୍କ ଭାଇଙ୍କୁ ଏକ ହୋଟେଲ୍‌କୁ ଡ଼ାକି ଆଲୋଚନା କରିଥିଲେ ବୋଲି କୁହାଯାଉଛି। ଏକଥା ବି ଚର୍ଚ୍ଚା ହେଉଛି ଯେ ନୂଆ ଦଳ ଗଠନ ନେଇ ଦିପାଳୀ ଓ ତାଙ୍କ ଭାଇଙ୍କ ସହ ବିଜୟ ଯେଉଁ ଆଲୋଚନା କରିଥିଲେ ସେ ଖବର କୁଆଡ଼େ ଟିକିନିଖି ଭାବେ ବିଜେଡି ଶିବିରରେ ପହଞ୍ଚିଥିଲା। ବିଜୟ ଯେଉଁ ଆଲୋଚନା କରିଥିଲେ ତାହା ପଛର ସତ୍ୟତା କେତେ ରହିଛି ସେ କଥାକୁ କେହି ଯାଞ୍ଚ କରିବାକୁ ନାହିଁ। କିନ୍ତୁ ବିଜୟ ଯେ ନୂଆ ଦଳ ପାଇଁ ଉଦ୍ୟମ ଚଳାଇଥିବା ବିଷୟକୁ ଅଧିକ ଗୁରୁତ୍ୱ ଦିଆଯାଉଛି। ଏପରିକି ବିଧାୟକ ସନାତନ ମହାକୁଡ଼ଙ୍କ ସହ ବିଜୟ ଆଲୋଚନା କରିଥିବା କଥା ବି ଚର୍ଚ୍ଚା କରାଯାଉଛି। ବିଜୟ ବିଜେଡିରୁ ଯିବା ପରେ ‘ଓଡ଼ିଶା ଗଣପରିଷଦ’ ନାମରେ ଏକ ଆଞ୍ଚଳିକ ଦଳ ଗଠନ କରିଥିଲେ । ସେ ସମୟରେ ଗୋଟିଏ ବିଧାନସଭା ଆସନ ଅକ୍ତିଆର୍ କରିବାରେ ସଫଳ ହୋଇଥିଲେ। ଦଳ ଚଳାଇବା ସମ୍ଭବ ନହେବାରୁ ଓ କିଛି ସହଯୋଗୀ ଧୋକା ଦେବାରୁ ଗଣପରିସଦ ବୁଡିଗଲା। ପୁଣି ଏକ ଆଞ୍ଚଳିକ ଦଳ ଗଠନ କରି ତାକୁ ଛିଡ଼ା କରାଇବା କେତେଦୂର ସମ୍ଭବ ତାହା ବିଜୟ ହିଁ ଭଲ ଭାବେ ଜାଣିଛନ୍ତି। ସେ ଯାହା ବି ହେଉ ନୂଆ ଆଞ୍ଚଳିକ ଦଳର ‘ଭୂତ’ ନବୀନ ଓ ତାଙ୍କ କୋଟରୀଙ୍କୁ ଘାରିଛି ।

କୁହାଯାଉଛି ବିଜୟ ତାଙ୍କ ପୁଅକୁ ବିଜେଡିରେ ସାମିଲ କରି ମସ୍ତବଡ଼ ରାଜନୈତିକ ଅପରାଧ କରିଛନ୍ତି। ନବୀନଙ୍କୁ ଚିହ୍ନିବାରେ ତାଙ୍କ ରାଜନୈତିକ ଅଭିଜ୍ଞତାର କେଉଁଠି ଟିକେ ଦୁର୍ବଳତା ରହିଗଲା । ବିଜେଡି ଗଠନ ପରେ ପ୍ରଥମେ ଏକ ରାଜ୍ୟସଭା ନିର୍ବାଚନ ଆସିଲା। ସେ ସମୟରେ ନବୀନଙ୍କ ଡୁନ୍‌ସ୍କୁଲ୍ ସାଥୀ ଅନଙ୍ଗଉଦୟ ସିଂହଦେଓ ପ୍ରାର୍ଥୀ ହେବା ପାଇଁ ଆଗ୍ରହ ପ୍ରକାଶ କଲେ। କିନ୍ତୁ ବିଜୟ ଓ ତାଙ୍କ ସହଯୋଗୀମାନେ ଚାହୁଁ ନ ଥିଲେ। ହେଲେ ସାଙ୍ଗ ହିସାବରେ ନବୀନଙ୍କୁ ପ୍ରଭାବିତ କରି ଅନଙ୍ଗ ଦଳୀୟ ପ୍ରାର୍ଥୀ ହୋଇଥିଲେ। ନିର୍ବାଚନରେ ସେ ଜିତିପାରିଲେ ନାହିଁ। ବିଜେଡିର କିଛି ବିଧାୟକ କ୍ରଶ୍ ଭୋଟିଂ କରିଥିଲେ। ଯେଉଁଥିପାଇଁ ଅନଙ୍ଗ ଜିତି ପାରି ନ ଥିଲେ। ଏହି ଘଟଣାରେ ନବୀନ ବିଜୟଙ୍କ ସମେତ ୬ଜଣ ଦଳୀୟ ବିଧାୟକଙ୍କୁ ନିଲମ୍ବିତ କରିଥିଲେ। ପରେ ସମସ୍ତଙ୍କ ଉପରୁ ନିଲମ୍ବନ ପ୍ରତ୍ୟାହାର କରାଯାଇଥିଲା। ବିଜେଡି ଗଠନ ପରେ ୨୦୦୦ ମସିହାରେ ଦଳ ସାଧାରଣ ନିର୍ବାଚନର ସମ୍ମୁଖିନ ହୋଇଥିଲା। ଦଳ ପକ୍ଷରୁ ଯେଉଁ ଟିକେଟ୍ ବଣ୍ଟ କରାଗଲା ସେଥିରେ ବିଜୟଙ୍କର ବେଶ୍ ଭୂମିକା ଥିଲା। ନବୀନଙ୍କ ଠାରୁ ଟିକେଟ୍ ନେଇ ବିଜୟ ପାଟକୁରାରୁ ଲଢ଼ିବା ପାଇଁ ପ୍ରାର୍ଥୀପତ୍ର ଦାଖଲ କରିଥିଲେ। ନବୀନ ସେ ଟିକେଟ୍‌କୁ ଏପରି ଚତୁରତାର ସହ କାଟିଲେ ଯାହାର ଟିକେ ବି ସୁରାଗ ବିଜୟ ପାଇ ପାରି ନ ଥିଲେ । ବିଧାନ ସଭା ନିର୍ବାଚନ ଲଢ଼ି ପାରିଲେ ନାହିଁ। ପରେ ଦିଲୀପ ରାୟ, ନଳୀନ ମହାନ୍ତି ଭଳି ନେତାଙ୍କୁ ବି ନବୀନ ଦୂରେଇ ଦେଇଥିଲେ।
ରାଜନୈତିକ ଘଟଣାକ୍ରମେ ଦିଲୀପ ପୁଣି ବିଜେଡିକୁ ଫେରିବା ନେଇ ଏକ ପ୍ରକ୍ରିିୟା ହୋଇଥିଲା। ଦିଲୀପ ଏ ନେଇ ନବୀନଙ୍କ ସହ ଆଲୋଚନା କରିଥିଲେ। ଏହି ମିଶ୍ରଣରେ ବିଜୟଙ୍କ ନାମ ବି ସାମିଲ ଥିଲା। ଦିଲୀପଙ୍କର ନବୀନଙ୍କ ନିକଟରେ ତାଙ୍କ ସହ ବିଜୟଙ୍କ ମିଶ୍ରଣର ସର୍ତ ରହିଥିଲା। ଶେଷ ମୁହୂର୍ତ୍ତରେ ଏହି ମିଶ୍ରଣ ଫେଲ୍ ମାରିଥିଲା। କ’ଣ ପାଇଁ ସବୁ ଯୋଜନା ସତ୍ତ୍ୱେ ମିଶ୍ରଣ ହୋଇପାରିଲା ନାହିଁ। ସେଥିରେ ଜଣାପଡ଼ିଲା ଯେ ନବୀନ ପଟ୍ଟନାୟକ କୌଣସି ପରିସ୍ଥିତିରେ ବିଜୟଙ୍କୁ ସାମିଲ୍ କରାଯିବ ନାହିଁ ବୋଲି ରୋକ୍‌ଠୋକ୍ ମନା କରି ଦେଇଥିଲେ।

ନବୀନ ପଟ୍ଟନାୟକ କୌଣସି ପରିସ୍ଥିରେ ତାଙ୍କୁ ବିଶ୍ୱାସକୁ ନେବେ ନାହିଁ, ଏକଥା ସେ।ଭଲଭାବେ ଜାଣିଥିଲେ। ତେବେ ପୁତ୍ର ମୋହ ବିଜୟଙ୍କୁ ପୁଣି ବିଜେଡି ଆଡ଼କୁ ଆକର୍ଷିତ କରିଥିଲା। ଓଡ଼ିଶାରେ ବିଜେଡିକୁ ଅପ୍ରତିଦ୍ଵନ୍ଦୀ ଭାବି ପୁଅକୁ ରାଜନୀତି ଉତ୍ତରାଧିକାରୀ ଭାବେ ଛିଡ଼ା କରିବାର ନିଶା ବିଜୟଙ୍କୁ ପାଇଁ ଘାତକ ହୋଇଛି। ମାତ୍ର ଦେଢ଼ ବର୍ଷ ପରେ ପୁଅକୁ ବିଜେଡିରୁ ବିଦା ହେବାକୁ ପଡ଼ିଛି। ଅନ୍ୟ ଏକ ଶୁଣିବାକୁ ମିଳିଛି ଯେ ପାଟକୁରାର ପୂର୍ବତନ ବିଧାୟକ ଅତନୁ ସବ୍ୟସାଚୀ ନାୟକ ମଧ୍ୟ ବିଜୟ କିମ୍ବା ତାଙ୍କ ପୁଅଙ୍କୁ ବିଜେଡିକୁ ଆଣିବାକୁ ଚାହୁଁ ନ ଥିଲେ। ତତ୍କାଳୀନ ବିଜେଡି ସଂ।ଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ବିଜୟଙ୍କ ପୁଅକୁ ବିଜେଡିରେ ଟିକେଟ ଦେବାର ସମସ୍ତ ବ୍ୟବସ୍ଥା କରିଥିଲେ । ଅରବିନ୍ଦ ନିଲମ୍ବନ ପଛରେ ଅତନୁଙ୍କ ହାତ ରହି ଥାଇପାରେ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି।

ଯୁବ ସମାଜ କୁ ଦଳ ର ଅମୂଲ୍ୟ ସମ୍ପତ୍ତି ଭାବରେ ବର୍ଣ୍ଣନା କରି ନବୀନ କହିଛନ୍ତି ଯେ ସେବା, ସଂଗ୍ରାମ ଓ ସ୍ୱାଭିମାନ ବିଜେଡି ର ମନ୍ତ୍ର। ବିକାଶ ଆମର ପରିଚୟ। ତେଣୁ ବିଜେଡି ର ଯୁବ ବନ୍ଧୁ ମାନେ ସୋସିଆଲ ମିଡିଆରେ ସକ୍ରିୟ ରହିବା ସହ ଦଳ ବିରୁଦ୍ଧରେ ଚାଲିଥିବା ଅପ ପ୍ରଚାର ର ଫଳପ୍ରଦ ମୁକାବିଲା କରିବାକୁ ବିଜେଡି ସଭାପତି ଆହ୍ୱାନ ଜଣାଇଥିଲେ।

ରାଜନୀତିରେ ଧୈର୍ଯ୍ୟ ବହୁତ ଗୁରୁତ୍ୱପୂର୍ଣ । ଦଳ ର ଲକ୍ଷ ଲକ୍ଷ କର୍ମୀ ମାନଙ୍କ କଠିନ ପରିଶ୍ରମ ଓ ପ୍ରତିବଦ୍ଧତା ଉପରେ ତାଙ୍କର ଗଭୀର ବିଶ୍ୱାସ ରହିଛି।ତେଣୁ ବର୍ତ୍ତମାନ ର ଆହ୍ୱାନ କୁ ଭବିଷ୍ୟତ ପାଇଁ ସୁଯୋଗ ରେ ରୂପାନ୍ତରିତ କରି ଏକ ସଶକ୍ତ ଓଡିଶା ଗଠନ ଦିଗରେ ବ୍ରତୀ ହେବାକୁ ନବୀନ କର୍ମୀ ଓ ନେତାଙ୍କୁ ପରାମର୍ଶ ଦେଇଛନ୍ତି। ଏହି କାର୍ଯ୍ୟ କ୍ରମରେ ଦଳର ବହୁ ବରିଷ୍ଠ ନେତା ଯୋଗ ଦେଇ ନବୀନଙ୍କ ନେତୃତ୍ୱରେ ବିଜେଡିକୁ ମଜଭୁତ କରିବା ଦିଗରେ କାର୍ଯ୍ୟ କରିବାକୁ କର୍ମୀମାନଙ୍କୁ ଆହ୍ବାନ ଦେଇଛନ୍ତି। ପ୍ରତିଷ୍ଠା ଦିବସରେ ବିଜେଡିର ମହିଳା, ଯୁବ ଏବଂ ଛାତ୍ର ସଂଗଠନ ବହୁ କର୍ମକର୍ତ୍ତା ଯୋଗ ଦେଇଥିଲେ।

ଏହି କମିଟି ମହାନଦୀ ଜଳ ସମ୍ବନ୍ଧୀୟ ସମସ୍ତ ପ୍ରାସଙ୍ଗିକ ଦିଗକୁ ପରୀକ୍ଷା କରିବ ଏବଂ ରାଜ୍ୟର ବୈଷୟିକ  ଏବଂ ପ୍ରଶାସନିକ ସ୍ତରରେ ଚାଲୁଥିବା ପ୍ରୟାସଗୁଡ଼ିକୁ ଆବଶ୍ୟକ ନୀତିଗତ ଦିଗଦର୍ଶନ ପ୍ରଦାନ କରିବ।  ଏହି  କମିଟିରେ ୭ ଜଣ  ବିଧାୟକ/ବିଧାୟିକାମାନେ     ସଦସ୍ୟ ଅଛନ୍ତି । 

ଏହି କମିଟିରେ ରାଜସ୍ବ ଓ ବିପର୍ଯ୍ୟପରିଚାଳନା ମନ୍ତ୍ରୀ   ସୁରେଶ ପୂଜାରୀ, ଆଇନି ମନ୍ତ୍ରୀ  ପୃଥ୍ବୀରାଜ  ହରିଚନ୍ଦନ, ଶିଳ୍ପ ମନ୍ତ୍ରୀ   ସମ୍ପଦ ଚନ୍ଦ୍ର ସ୍ଵାଇଁ,  ମନ୍ତ୍ରୀ,ସରକାରୀ ମୁଖ୍ୟ ସଚେତକ ସରୋଜ କୁମାର ପ୍ରଧାନ , ବିଧାୟକ ନିରଂଜନ ପୂଜାରୀ, ବିଧାୟକ   ଜୟନାରାୟଣ ମିଶ୍ର,   ଏବଂ ବିଧାୟିକା ସୋଫିଆ ଫିର୍ଦୋସ୍। ସଦସ୍ୟ ରହିଛନ୍ତି।