ଅନ୍ୟ ପକ୍ଷରେ ଇମ୍ପୋର୍ଟ(ଆମଦାନୀ) ନେତାଙ୍କ ପାଦୁଭାର୍ବ ବିଜେଡିରେ ବଢି ଚାଲିଛି । ଯାହାର କୁ ପରିଣାମ ଏବେ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଭୋଗିବାକୁ ପଡୁଛି । ଦଳ୍ ପ୍ରତି ତିଳେମାତ୍ର ଆନୁଗତ୍ୟ ନ ଥିବା ସେହି ସୁବିଧାବାଦୀ ଇମ୍ପୋଟେର୍ଡ ନେତାମ।ନେ ବିଜେଡିକୁ ବୁଡାଇବାରେ ମୁଖ୍ୟ ଭୁମିକା ଗ୍ରହଣ କରିଛନ୍ତି । ନିଜର ସ୍ୱାର୍ଥ ହାସଲ ପାଇଁ ଦଳ ଡେଇଁ ଅନ୍ୟ ଦଳକୁ ଚାଲି ଯାଉଛନ୍ତି । ତେବେ ଦଳରୁ ଅଲୋଡା କରାଯାଇଥିବା ବଜୁ ଆନଗୁତ୍ୟମାନେ ଏବେ ବିଜେଡି ଉପରେ ଭାରି ପଡିଛନ୍ତି ।  ବିଜେଡି ଗଠନ ହେବା ପ ରଠାରୁ ଏବେ ଯାଏ ୨୯ ବର୍ଷ  ଧରି ସେହି ନେତାମାନଙ୍କୁ  ଗୌଣ କରାଯାଇଥିବା ବେଳେ  ଆମଦାନୀ ନେତାଙ୍କୁ  ନବୀନ ମୁଣ୍ଡରେ ବସାଇଲେ । ଦଳ ପ୍ରତି ତିଳେ ମାତ୍ର ଆନୁଗତ୍ୟ ନ ଥିବା ନେତା ସସ୍ମିତ ପାତ୍ର, ପ୍ରମିଳା ବିଶୋଇ, ସୁଜିତ କୁମାର, ମମତା ମହାନ୍ତ, ଅମର ପଟ୍ଟନାୟକ, ଅରୁପ ପଟ୍ଟନାୟକ, ଶ୍ରୀମୟୀ ମିଶ୍ର , ସୁଲତା ଦେଓ ଭଳି ନେତା ବିଜେଡିରେ ଯୋଗ ଦେଲେ ଓ ରାତାରାତି ଷ୍ଟାର ବନିଗଲେ ।  ସେମାନଙ୍କ ମଧ୍ୟରୁ ଅନେକ ବିଜେଡିକୁ ଛାଡି ଅନ୍ୟ ଦଳକୁ ଚାଲି ଯାଇଛନ୍ତି । ରାଜ୍ୟ ସଭା ସଦସ୍ୟ ମମତା ମହାନ୍ତ, ସୁଜିତ କୁମାର, ଅମର ପଟ୍ଟନାୟକ ଭଳି ନେତା ଗତ ନିର୍ବାଚନରେ ପରାଜୟ ପରେ ବିଜେଡିକୁ ଗୋଇଠା ମାରି ଚାଲି ଯାଇଛନ୍ତି । ତେବେ ଆଉ କିଛି ଇମ୍ପୋଟେଡ ନେତା ଅଛନ୍ତି ଯେକି ପଦ୍ମପୋଖରୀରେ ପହଁରିବା ପାଇଁ ସୁଯୋଗକୁ ଅପେକ୍ଷା କରିଛନ୍ତି । ସାଧାରଣରେ ପ୍ରଶ୍ନ ଉଠୁଛି ଯେ ବିଜେଡିକୁ ଚଳାଉଥିବା ଭିକେ ପାଣ୍ଡିଆନ ଓ ପ୍ରଣବ ପ୍ରକାଶ ଦାସଙ୍କୁ ଯିଏ ଭଲ ଲାଗିଲା ସେମାନେ ତାଙ୍କୁ ଟିକେଟ ଦେଲେ ।

ବରିଷ୍ଠ ନେତାମାନଙ୍କୁ ହତାଦର କରିବା ବିଜେଡି ପାଇଁ ଆଜି ମହଙ୍ଗା ସାବ୍ୟସ୍ତ ହୋଇଛି । ପ୍ରଭାତ ତ୍ରିପାଠୀ, ଭତୃହରୀ ମହାତାବ, ପ୍ରଭାତ ବିଶ୍ୱାଳ, ଅରିନ୍ଦମ ରାୟ, ଅନୁଭବ ମହାନ୍ତି, ଅକାଶଦାସ ନାୟକ, ସିଦ୍ଧାନ୍ତ ମହାପାତ୍ର ଭଳି  ନେତା ଯେଉଁମାନେ ଦଳୀୟ କାର୍ଯ୍ୟକଳାପକୁ ନେଇ ପ୍ରଶ୍ନ କଲେ ସେମାନଙ୍କୁ ଦଳରୁ ବିଦା କରି ଦିଆଗଲା । ଯେଉଁ ବିଜୁ ବାବୁଙ୍କ ନାମରେ ବିଜେଡି ଗଠନ ହୋଇଥିଲା ଦେଖିବାକୁ ଗଲେ କାଁଭାଁ ଦୁଇ ଚାରିଜଣଙ୍କୁ ଛାଡି ଦେଲେ ପ୍ରକୃତ ବିଜୁ ପ୍ରେମୀ ଆଉ ବିଜେଡିରେ ନାହାନ୍ତି । ଗତ ନିର୍ବାଚନରେ ଦଳ ହାରିବା ପରେ ଏବେ ବିଜୁ ପ୍ରେମୀ ନେତାଙ୍କ ଅବର୍ତ୍ତମାନ ବିଜେଡିରେ ଅନୁଭୁତ ହେଉଛି । ତେବେ ସେମାନଙ୍କୁ ପୁଣି ଏକାଠି କରିବା ଏବେ ନବୀନଙ୍କ ପାଇଁ ସହଜ ନୁହେଁ ବୋଲି ରାଜନୀତି ବିଶାରଦଙ୍କ ମତ ଦେଉଛନ୍ତି  ।

ଭୁବନେଶ୍ୱର: ରାଜ୍ୟର ଦୁଇ ପ୍ରମୁଖ ବିରୋଧୀ ଦଳ ବିଜେଡି ଓ କଂଗ୍ରେସରେ ନିଜ ନିଜ ନେତାଙ୍କ ଆଭିମୁଖ୍ୟକୁ
ନେଇ କର୍ମୀମାନେ ଦ୍ୱନ୍ଦରେ ପଡିଛନ୍ତି। ରାଜ୍ୟ ସଭା ଭୋଟର
ବର୍ମୀଙ୍କ ମଧ୍ୟରେ ହତାଶା ଭାବ ପରିଲକ୍ଷିତ ହୋଇଛି। ଅବସ୍ଥା ଏଭଳି ହୋଇଛି ଯେ କର୍ମୀମାନେ କାହାକୁ ବିରୋଧ କରିବେ ଓ କାହା ସହ ରହିବେ, ତାହା ଜାଣିପାରୁନାହାନ୍ତି।
ଗତ ରାଜ୍ୟସଭା ନିର୍ବାଚନ ପରଠାରୁ ରାଜ୍ୟ ରାଜନୀତିରେ ଏଭଳି ଖେଳ ଚାଲିଛି।
ଗତ ୨୪ ବର୍ଷ ଧରି ଏହି ଦୁଇ ବିରୋଧୀ ଦଳ ପରସ୍ପରର କଟର ବିରୋଧୀ ଥିବା ବେଳେ ଏବେ ପରସ୍ପରର ମିତ ବସିଥିବାରୁ କର୍ମୀମାନେ ତାହାକୁ ସହଜରେ ଗ୍ରହଣ କରିପାରୁନାହାନ୍ତି। ଏଭଳି କାର୍ଯ୍ୟରେ
ଅସନ୍ତୋଷ ପ୍ରକଟ କରି ଦଳୀୟ ବିଧାୟକମାନେ କ୍ରସ ଭୋଟିଂ ଜରିଆରେ ଜବାବ ଦେଇଥିବା
ବେଳେ କର୍ମୀମାନେ ଅକଳରେ ପଡ଼ିଛନ୍ତି।
ତେବେ ସ୍ଥିତି ରକ୍ଷା ପାଇଁ ଉଭୟ ଦଳ କିଛି କାମଚଳା ନେତାଙ୍କୁ ନେଇ ଘନ ଘନ ସାମ୍ବାଦିକ ସମ୍ମିଳନୀ କରୁଥିବା ଦେଖିବାକୁ ମିଳୁଛି। ରାଜ୍ୟ କଂଗ୍ରେସ ମୁଖିଆ ଭକ୍ତ ଚରଣ ଦାସ ବିଜେଡିର ରାଜ୍ୟସଭା ପ୍ରାର୍ଥୀଙ୍କୁ ସମର୍ଥନ ଘୋଷଣା କରିବା ପରେ କଂଗ୍ରେସରେ ଏକ ପ୍ରକାର ନିଆଁ କୁହୁଳୁଛି। ଯେଉଁଥିପାଇଁ
ଦଳର ୩ ଜଣ ବିଧାୟକ ରାଜ୍ୟସଭା
ନିର୍ବାଚକ୍ରସ ଭୋଟିଂ କରି ଏଭଳି ବୁଝାମଣାକୁ ବିରୋଧ
କରିଥିଲେ। କେବଳ ଏହି ତିନି ଜଣ ବିଧାୟକ ନୁହନ୍ତି, ୨୪ ବର୍ଷ ଧରି
ବିଜେଡି ବିରୋଧରେ ଲଢୁଥିବା ଦଳର ତଳ ସ୍ତରର ନେତା ଓ
କର୍ମୀମାନେ ମଧ୍ୟ ଏହାକୁ ସହଜରେ ଗ୍ରହଣ କରିପାରୁନାହାନ୍ତି। ପଞ୍ଚାୟତ ନିର୍ବାଚନରେ କୌଣସି ପ୍ରକାରେ
ବିଜେଡିକୁ ବାଟ ଛାଡ଼ିହେବ ନାହିଁ ବୋଲି ଜିଲ୍ଲାର ନେତାମାନେ ଖୋଲାଖୋଲି କହିବା ଆରମ୍ଭ କଲେଣି।
ସେହିଭଳି କଂଗ୍ରେସ ସହ ମେଣ୍ଟକୁ ବିରୋଧ
କରି ବିଜେଡିର ଅସନ୍ତୁଷ୍ଟ ବିଧାୟକମାନେ
କେବଳ କ୍ରସ ଭୋଟିଂ କରିନାହାନ୍ତି, ବିଜେଡିକୁ
ଟକ୍କର ଦେବା ପାଇଁ ନାଗରିକ ମଞ୍ଚରେ
ଏକ ପ୍ରକାର ଯୋଡ଼ିହୋଇ ଯାଇଛନ୍ତି। ତେବେ ସେମାନଙ୍କ ବିରୋଧକୁ ଖାତିର ନ କରି ବିଜେଡିର ରାଜ୍ୟସଭା ନେତା ମାନସ ମଙ୍ଗରାଜ ସିଧାସଳଖ ଇଣ୍ଡି ମେଣ୍ଟ
ନେତାଙ୍କ ବୈଠକରେ ଯୋଗ ଦେଇଛନ୍ତି। ଯଦିଓ ଦଳର ବରିଷ୍ଠ ନେତାମାନେ ଖୋଲାଖୋଲି
କିଛି କହି ପାରୁନାହାନ୍ତି, କିନ୍ତୁ ଏହାକୁ ଅନେକ ସହଜରେ ବି ଗ୍ରହଣ କରିପାରୁନାହାନ୍ତି।
କଂଗ୍ରେସ ସହ କାନ୍ଧରେ କାନ୍ଧ ମିଳାଇ କେତେ ଜଣ ବିଜେଡି ନେତା ଚାଲିବେ ତାହା
ଦେଖିବାକୁ ବାକି ରହିଲା ବୋଲି କର୍ମୀମାନେ କହିଲେଣି। ଦୁଇ ବିରୋଧୀ ଦଳରେ
ଏଭଳି ସ୍ଥିତି କିନ୍ତୁ ଶାସକ ଭାଜପକୁବେଶ୍ ସୁହାଇଛି। ଜାତୀୟ ସ୍ତରରେକଂଗ୍ରେସ ଭାଜପାକୁ
ଜୋରଦାର ବିରୋଧ କରୁଥିବା ବେଳେ ଓଡ଼ିଶାରେ କିନ୍ତୁ ବିରୋଧ ପାଇଁ ଦଳର ବଳ ପାଉ ନାହିଁ। ସେହି ଭଳି ବିଜେଡି ନେତାମାନେ ମଧ୍ୟ କେବଳ ସାମ୍ବାଦିକ
ସମ୍ମିଳନୀରେ ସରକାରଙ୍କୁ ବିରୋଧ କରିବାରେ ଲାଗିଛନ୍ତି। ଦୁଇ ବିରୋଧୀ ଦଳ ଦୈନିକ ଏକାଧିକ ସାମ୍ବାଦିକ ସମ୍ମିଳନୀ କରୁଥିବା ବେଳେ ଏଥିପାଇଁ ଏମାନଙ୍କୁ ଆଗଧାଡ଼ିର ନେତା ମିଳୁନ ଥିବା ଲକ୍ଷ୍ୟ କରାଯାଉଛି। ଉଭୟ ବିଜେଡି ଓ କଂଗ୍ରେସ ସରକାରଙ୍କ ବିରୁଦ୍ଧରେ ଯିବା ପାଇଁ ପରସ୍ପର ଉପରେ ନିର୍ଭରଶୀଳ ହୋଇଥିବା ବେଳେ କର୍ମୀମାନେ କିନ୍ତୁ କେହି କାହାର ହାତ ଧରିବାକୁ ରାଜି ନାହାନ୍ତି। ଏଭଳି ସ୍ଥିତିରେ ଦୁଇ ଦଳ କିଭଳି ଆଗାମୀ ପଞ୍ଚାୟତ ଓ ପୌର ନିର୍ବାଚନ ଲଢ଼ିବେ ଏବଂ ଡବଲ ଇଞ୍ଜିନ ସରକାରକୁ ଟକ୍କର
ଦେବେ, ତାହାକୁ ନେଇ ଦୁଇ ଦଳର କର୍ମୀଙ୍କ ମଧ୍ୟରେ ଚର୍ଚ୍ଚା ଜୋର୍ ଧରିଛି।

paddy

ଭୁବନେଶ୍ୱର:ସହରାଞ୍ଚଳରେ ଆଉ ଘର ଭଡ଼ା ଟେନସନ୍ ରହିବ ନାହିଁ। ଏଣିକି ସହରୀ ଗରୀବଙ୍କୁ ସୂଲଭ ମୂଲ୍ୟରେ ଭଡ଼ାରେ ଘର ଯୋଗାଇ ଦେବେ ସରକାର। ଏ ନେଇ ସରକାରୀ ଘର ଚିହ୍ନଟ ପାଇଁ ଗୃହ ଏବଂ ନଗର ଉନ୍ନୟନ ବିଭାଗ ସମସ୍ତ ଶକ୍ତି, ସ୍ବାସ୍ଥ୍ୟ, ମହିଳା ଓ ସିଶୁବିକଶ, ପଞ୍ଚାୟତିରାଜ, ଗ୍ରାମ୍ୟ ଉନ୍ନୟନ, ଅର୍ଥ, କୃଷି ବିଭାଗ ଭଳି ଅନ୍ୟ ବିଭାଗକୁ ଚିଠି ଲେଖିଛି।ବିଭିନ୍ନ ବିଭାଗ ଅଧିନରେ ଥିବା ଅବ୍ୟବହୃତ ସରକାରୀ ଘରକୁ ଭଡ଼ା ସୂତ୍ରରେ ଦିଆଯିବ। ବିଶେଷ କରି ଶିଳ୍ପାଞ୍ଚଳ ଓ ବିଭିନ୍ନ ଘରୋଇ ସଂସ୍ଥାରେ କାର୍ଯ୍ୟରତ କର୍ମଜୀବୀ ମହିଳାମାନଙ୍କୁ ପ୍ରାଧାନ୍ୟ ଦିଆଯାଇ ଭଡ଼ାରେ ଘର ଦିଆଯିବ। ଏହା ଛଡ଼ା ଯେଉଁମାନେ ପାଠ ପଢିବାକୁ , ବ୍ୟବସାୟ କରିବାକୁ ଆସୁଛନ୍ତି ସେମାନଙ୍କୁ ମଧ୍ୟ ଘର ଭଡ଼ାରେ ମିଳିବ। ପ୍ରଧାନମନ୍ତ୍ରୀ ସହରାଞ୍ଚଳ ଆବାସ ଯୋଜନା ୨.୦ ଅନୁଯାୟୀ ଭଡ଼ା ମିଳିବ।କେନ୍ଦ୍ର ଓ ରାଜ୍ୟ ସରକାର ଅଧିନରେ ଥିବା ଅବ୍ୟବହୃତ ଘରକୁ ରହିବା ଉପଯୋଗୀ କରାଯାଇ ଭଡ଼ା ଦିଆଯିବ। ଗାଇଡ୍‌ଲାଇନ ଅନୁଯାୟୀ ୨ଟି ମଡେଲରେ ସୁଲଭ ମୂଲ୍ୟରେ ଭଡ଼ା ଦିଆଯିବ। ପ୍ରଥମେ ସରକାରୀ ଘରକୁ ପବ୍ଲିକ ଏଜେନ୍ସି ମାଧ୍ୟମରେ ଭଡ଼ା ଦିଆଯିବ। ଦ୍ୱିତୀୟରେ ବେସରକାରୀ ସଂସ୍ଥା ଘର ତିଆରି କରି ଗରୀବଙ୍କୁ ଭଡ଼ା ଦେବେ ବୋଲି ସୂଚନା ମିଳିଛି। ଏହା ଦ୍ବାରା ସରକାର କିଛି ରାଜସ୍ବ ପାଇବା ସହ ସ୍ୱଳ୍ପ ଆୟକରିମନେ ସୁଲଭ ମୂଲ୍ୟରେ ଘର ଭଡ଼ାରେ ପାଇ ପାରିବେ।

ଭୁବନେଶ୍ୱର(ବ୍ୟୁରୋ)-ଆସନ୍ତା ଏପ୍ରିିଲରେ ରାଜ୍ୟ ସଭାର ୪ ଟି ଆସନ ଖାଲି ହେବ। ବିଜେଡି ରାଜ୍ୟ ସଭା ଏମ୍ପ ମୁନା ଖାଁ, ନିରଞ୍ଜନ ବିଶି, ସୁଜିତ୍ କୁମାର ଏବଂ ମମତା ମୋହାନ୍ତ ଙ୍କ କାର୍ଯ୍ୟକାଳ ୨୦୨୬ ଏପ୍ରିଲ ୨ ତାରିଖରେ ଶେଷ ହେବ ।
ଖାଲି ହେବାକୁ ଥିବା ଏହି ୪ଟି ଆସନ ପାଇଁ ନିର୍ବାଚନ ଅନୁଷ୍ଠିତ ହେବ । ଭାଜପା ଖାତାକୁ ୨ ଟି ଯିବାକୁ ଥିବା ବେଳେ ବିଜେଡି ହାତରେ ଗୋଟିଏ ରାଜ୍ୟ ସଭା ଆସନ ରହିବ । ସେହି ପଦକୁ ହାତେଇବା ପାଇଁ ବିଜେଡିରେ ଆରମ୍ଭ ହୋଇ ଯାଇଛି ବଳ କଷା କଷି । ତେବେ ବିଶ୍ୱସ୍ତ ସୂତ୍ରରୁ ମିଳିଥିବା ଖବର ମୁତାବକ ବିଜେଡିର ପୂର୍ବତନ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ରାଜ୍ୟ ସଭାକୁ ନିର୍ବାଚିତ ହୋଇ ଦିଲ୍ଲୀ ଯିବାକୁ ମନ ବଳେଇ ଲେଣି । ୪ଟି ଆସନ ଉପରେ ଭାଜପା, ବିଜେଡି ଓ କଂଗ୍ରେସର ନଜର ରହିଛି । ତେବେ ବିଧାନସଭାର ସଂଖ୍ୟା ଗଣିତ ଅନୁସାରେ ଭାଜପା ୨ ଜଣଙ୍କୁ ବିଜେଡି ଜଣଙ୍କୁ ନିଜ ବଳରେ ରାଜ୍ୟ ସଭାକୁ ପଠାଇ ପାରିବେ । ତେବେ ଚତୁର୍ଥ ପ୍ରାର୍ଥୀଙ୍କୁ ଦିଲ୍ଲୀ ପଠାଇବାକୁ ହେଲେ ଯେ କୌଣସି ଦୁଇ ଦଳ ମଧ୍ୟରେ ସହମତି ନିହାତି ଜରୁରୀ ହୋଇ ପଡିଛି । ଏଭଳି ସ୍ଥିତିରେ ଗତ ନିର୍ବାଚନରେ ହାରି ରାଜ୍ୟ ରାଜନୀତିରେ ଏକ ପ୍ରକାର ବେକାର ହୋଇ ବସିଥିବା ପ୍ରଣବ ପ୍ରକାଶ ଦାସ ରାଜ୍ୟ ସଭାକୁ ଯିବା ପାଇଁ ସଜବାଜ ଆରମ୍ଭ କରି ଦେଇଛନ୍ତି । ବଣଭୋଜି ନାଁରେ ବିଭିନ୍ନ ସ୍ଥାନରେ ବିଜେଡି ନେତାମାନଙ୍କର ବସୁଥିବା ବୈଠକ ଏହାର ପରିଣାମ ବୋଲି ଦଳୀୟ ମହଲରେ ଆଲୋଚନା ଚାଲିଛି
। ସେହିଭଳି ଏବେ ବବି ନିଜେ ଯାଜପୁର ରାଜନୀତିରେ ସକ୍ରିୟ ହେବା ସହ ନିକଟରେ ଅବସ୍ଥିତ ପ୍ରକୃତିର ନିୟମ ଅନୁସାରେ ମୁଖ୍ୟ ସଚେତକ ତଥା ବିଞ୍ଝାରପୁର ବିଧାୟିକା ପ୍ରମିଳା ମଲ୍ଲିକଙ୍କ ଘରେ
ଦଳୀୟ ବୈଠକର ଆୟୋଜନ କରିଛନ୍ତି।
ଏହା ପଛରେ ବବିଙ୍କର ଗୋଟିଏ ଉଦ୍ଦେଶ୍ୟ ରହିଛିଆଉ ତାହାହେଲା ରାଜ୍ୟସଭାକୁ ଯାଇ ନିଜରରାଜ ନୈତିକ କ୍ୟାରିଅରକୁ ବଞ୍ଚାଇ ରଖିବା।
କାରଣ ଗତ ନିର୍ବାଚନରେ ଦଳର ମଙ୍ଗ ଧରିଥିବାପ୍ରଣବ ନିଜେ ସମ୍ବଲପୁର ଲୋକସଭା ଆସନରୁ ହାରିଯିବା ସହ କୋରେଇ ବିଧାନସଭା ଆସନରୁ ପ୍ରାର୍ଥୀ ହୋଇଥିବାତାଙ୍କ ମା’ ସନ୍ଧ୍ୟାରାଣୀଙ୍କୁ
ମଧ୍ୟ ଜିତାଇ ପାରିନାହାନ୍ତି।ଏଭଳି ସ୍ଥିତିରେ ରାଜ୍ୟସଭାକୁ ଯିବା ଛଡ଼ା ତାଙ୍କ ପାଇଁ ନିକଟ ଭବିଷ୍ୟତରେ ଅନ୍ୟ କୌଣସି ବିକଳ୍ପ ନାହିଁ। ତେଣୁ ଏହି
ଉଦ୍ଦେଶ୍ୟରେ ସଫଳ ହେବା ସକାଶେ ସେ ହାଇ କମାଣ୍ଡଙ୍କ
ଉପରେ ଚାପ ସୃଷ୍ଟି କରିବାରେ ଲାଗିଛନ୍ତି।ଅନ୍ୟ ପଟେ ରାଜ୍ୟସଭା ନିର୍ବାଚନରେ ପୂର୍ବତନ
ପ୍ରଶାସିକା ସୁଜାତା କାର୍ତ୍ତିକେୟନ ପ୍ରାର୍ଥୀ ହେବେ ବୋଲିଯେଉଁ ଚର୍ଚ୍ଚା ଆରମ୍ଭ ହୋଇଥିଲା, ସେଥିରେ କିଛି ପରିମାଣରେ ବିରାମ ଲାଗିଛି
। ବିଶ୍ୱସ୍ତ ସୂତ୍ରରୁ ମିଳିଥିବାସୂଚନା ଆନୁଯାୟୀ, ସୁଜାତା ଏତେ ଶୀଘ୍ର ରାଜନୀତିମଇଦାନକୁ ଆସିବାକୁ ଚାହୁଁ ନାହାନ୍ତି। ଏଭଳି ଖବର ଏବେ ବବିଙ୍କ ଶିବିରକୁ ଅହୁରି ଉତ୍ସାହିତ କରିଛି। ରାଜ୍ୟସଭାକୁ ଗଲେ ଦିଲ୍ଲୀରେ ବିଜେଡି ରାଜନୀତିକୁ ମଝବୁତ କରିବେ ବୋଲି କହି ହାଇକମାଣ୍ଡଙ୍କୁ ବବି
ପ୍ରଭାବିତ କରିବା ନେଇ ମଧ୍ୟ ଚର୍ଚ୍ଚା ହେଉଛି।
ଅନ୍ୟ ପଟେ ରାଜ୍ୟସଭା ପାଇଁ ଚତୁର୍ଥ ପ୍ରାର୍ଥୀଙ୍କୁ ନେଇ ବିଜେଡି
ଏବେ ଠାରୁ ପ୍ରାର୍ଥୀ ସନ୍ଧାନରେ ଥିବା ସୂଚନା ମିଳୁଛି। ଜଣେ ଓଜନିଆ ନେତାଙ୍କୁ ପ୍ରାର୍ଥୀ କରି ଉଭୟ କଂଗ୍ରେସ ଓ ଭାଜପା ସମର୍ଥନରେ ରାଜ୍ୟସଭା ପଠାଇବାକୁ ବିଜେଡି ଅଣ୍ଟା ଭିଡ଼ିଛି।ତେବେ ହେଉଥିବା ଆଲୋଚନା ଅନୁଯାୟୀ, ବିଜେଡି ନଜରରେ ଏବେ ଦଳର ବରିଷ୍ଠ ନେତା ତଥା ପୂର୍ବତନ ବରିଷ୍ଠ ପୁଲିସ୍ ଅଧିକାରୀ ଅରୂପ ପଟ୍ଟନାୟକ, ନବୀନଙ୍କ ରାଜ ନୈତିକ ପରାମର୍ଶଦାତା
ସନ୍ତ୍ରୁପ୍ତ ମିଶ୍ର, ପୂର୍ବତନ ପ୍ରଶାସକ ମନୋଜ ମିଶ୍ରଙ୍କ ସମେତ ଆଉ କିଛି ନିର୍ବିବାଦୀୟ ବ୍ୟକ୍ତି ବିଶେଷ ବି ରହିଛନ୍ତି। ଏମାନଙ୍କୁ ପ୍ରାର୍ଥୀ କଲେ ଭାଜପା ଓ କଂଗ୍ରେସନିଶ୍ଚିତ ସମର୍ଥନ ଦେବେବୋଲି ବିଜେଡି ହାଇ କମାଣ୍ଡ ବିଚାର କରୁ ଛନ୍ତି। ଏହା ହେଲେ ଦୁଇ ସାଂସଦଙ୍କ ଦଳ ବଦଳ ପରେ ବିଜେଡିର ଯେଉଁ କ୍ଷତି ହୋଇଛି, ତାହାକୁ କିଛି ପରିମାଣରେ ଦଳ ଭରଣା କରିପାରିବ ବୋଲି କୁହାଯାଉଛି।

ଭୁବନେଶ୍ୱର(ବ୍ୟୁରୋ)- ପୂର୍ବତନ ବିଧାୟକ ମହମ୍ମଦ ମୋକିମ୍ କଂଗ୍ରେସରୁ ବହିଷ୍କୃତ ହୋଇଛନ୍ତି। ଦଳ ବିରୋଧୀ କାର୍ଯ୍ୟ ପାଇଁ ତାଙ୍କୁ କଂଗ୍ରେସର ପ୍ରାଥମିକ ସଦସ୍ୟ ପଦରୁ ବହିଷ୍କୃତ କରାଯାଇଛି। ପିସିସି ସଭାପତି ଭକ୍ତ ଚରଣ ଦାସଙ୍କ ପ୍ରସ୍ତାବକୁ ଅଖିଳ ଭାରତ କଂଗ୍ରେସ କମିଟି (ଏ ଆଇ ସି ସି) ଅନୁମୋଦନ କରିଛି।
କିଛିଦିନ ତଳେ ପିସିସି ସଭାପତି ଭକ୍ତ ଚରଣ ଦାସଙ୍କ ନେତୃତ୍ବକୁ ଚ୍ୟାଲେଞ୍ଜ କରି ସୋନିଆ ଗାନ୍ଧୀଙ୍କୁ ଚିଠି ସେ ଲେଖିଥିଲେ। ଭକ୍ତଙ୍କ ନେତୃତ୍ବକୁ ନେଇ ପ୍ରଶ୍ନ ଉଠାଇଥିଲେ ।କଂଗ୍ରେସରୁ ବହିଷ୍କାର ପରେ ହେବ ପରେ ମୋକିମ୍ ଗଣ ମାଧ୍ୟମକୁ କହି ଛନ୍ତି ଯେ କଂଗ୍ରେସ ମୋତେ ପ୍ରାଥମିକ ସଦସ୍ୟ ପଦରୁ ବହିଷ୍କାର କରିଛି।
କିନ୍ତୁ ମୋ ବିଚାର ଧାରାରୁ କଂଗ୍ରେସକୁ କେହି ଦୂରେଇ ପାରିବେନି। ଭାବିଥିଲି କଂଗ୍ରେସ ସୁଧାର ଆଣିବ, କିନ୍ତୁ ମୋ ଉପରେ କାର୍ଯ୍ୟାନୁଷ୍ଠାନ ହୋଇଛି। ଦଳକୁ ଆଇନ୍ ଦେଖାଇବାରୁ ଯଦି କାର୍ଯ୍ୟାନୁଷ୍ଠାନ ହୋଇଛି, ଏହାକୁ ସେ ଗ୍ରହଣ କରୁଛନ୍ତି ବୋଲି କହିଛନ୍ତି।
ସେ ଆହୁରି କହିଛନ୍ତି ଯେ ସେ ୨୪ ଘଣ୍ଟା ସମାଜ ପାଇଁ କାମ କରିବେ। ରାଜନୀତି ଗୋଟିଏ ପ୍ଲାଟଫର୍ମ। ଆଗକୁ ରାଜନୀତି ଜାରି ରହିବ। ଏଥିରେ ବିରାମ ନାହିଁ।
ସମର୍ଥକ ଓ ଶୁଭେଚ୍ଛୁଙ୍କ ସହ ଆଲୋଚନା ପରେ ପରବର୍ତ୍ତୀ ପଦକ୍ଷେପ ନେବି। ଆମେ ରାହୁଲଙ୍କୁ ଅନୁସରଣ କରୁଥିଲୁ, ସେ କୁହନ୍ତି କଂଗ୍ରେସ କାହାକୁ ଡରିବନି । ତେଣୁ ମୁଁ କାହାକୁ ନ ଡରି ଚିଠି ଲେଖିଲି, କିନ୍ତୁ ମୋ ଉପରେ କାର୍ଯ୍ୟାନୁଷ୍ଠାନ ହେଲା। ଯାହା କହିଛି ସେଥିରେ ଅନୁଶୋଚନା ନାହିଁ, ଆଗକୁ କଂଗ୍ରେସ ପାଇଁ ଭଲ ହେବ। ଶେଷ ନିଶ୍ବାସ ଯାଏଁ କଟକ ଓ ଓଡ଼ିଶାବାସୀଙ୍କ ପାଇଁ କାମ କରିବି ବୋଲି ମୋକିମ୍ କହିଛନ୍ତି।ଇତିହାସ ସାକ୍ଷୀ ଅଛି ଯେଉଁମାନେ ସତ୍ୟ ପଥରେ ଚାଲନ୍ତି, ତାଙ୍କୁ ବହୁତ୍‌ କଷ୍ଟ ସହି ଆଗକୁ ଯିବାକୁ ପଡ଼ିଛି ଏବଂ ତାଙ୍କ ବଳିଦାନରେ ପରବର୍ତ୍ତୀ ଅବସ୍ଥାରେ ସୁଫଳ ମିଳିଛି ପୂରା ଭାରତବର୍ଷକୁ। ତେଣୁ ମୁଁ କୌଣସି ମତରେ ଚିନ୍ତାଗ୍ରସ୍ତ ନୁହେଁ ବୋଲି ମୋକିମ କହିଛନ୍ତି।

କଟକ ବାରବାଟି କଂଗ୍ରେସ ବିଧାୟୀକା ସୋଫିଆ ଫିର୍ଡୋଷ ଟଙ୍କା ଝିଅ। ଏହା ଉପରେ ପ୍ରତିକ୍ରିୟା ଦେଇ ସେ କହିଛନ୍ତି ଯେ ସୋଫିଆ ବିଧାୟିକା ଅଛନ୍ତି, ତାଙ୍କର ଏହା ସହ କୌଣସି ସଂପର୍କ ନାହିଁ । ନିଜ ନିଷ୍ପତ୍ତି ନିଜେ ସୋଫିଆ ନେବେ, ନିଜ କାର୍ଯ୍ୟପନ୍ଥା ନିଜେ ସ୍ଥିର କରିବେ।
କଂଗ୍ରେସରୁ ମୋକିମଙ୍କ ବହିଷ୍କାରକୁ ନେଇ ନରସିଂହ ମିଶ୍ର ପ୍ରତିକ୍ରିୟାରେ କହିଛନ୍ତି ଯେ ହାଇକମାଣ୍ଡ ନିଷ୍ପତ୍ତି ନେଇଛନ୍ତି। ତେଣୁ ଏ ବାବଦରେ ସେ ଅଧିକ କିଛି କହିବେନି। କିନ୍ତୁ ନିଷ୍ପତ୍ତି ଉପରେ ଆଉ ଥରେ ବିଚାର କରିବା ଉଚିତ୍। ‘କଟକର ସେ ଜଣେ ମଜବୁତ୍ ନେତା ଥିଲେ, କଟକରେ ପ୍ରଭାବ ପଡ଼ିବ ବୋଲି ନରସିଂହ କହିଛନ୍ତି।